Zumba - exercise while dancing!

Sa makabagong panahon, isa ito sa pinaka modernong paraan ng pag e-ehersisyo.

Ehersisyo: Kasama pa ba sa aktibidad mo araw-araw?

Marahil ikaw ay nagtataka kung bakit ko ito naitanong. Pero brainwise, napakahalaga talaga na gagawin natin ang pag e-ehersisyo (exercise) at kasama ito sa araw-araw nating aktibidad. 

Nakakatulong ito para lalo pang mapangalagaan ang ating katawan at marami itong pakinabang at benepisyo tulad ng:

- mapaganda ang hugis ng katawan
- kung mataba ka, pwede kang pumayat (sa mga babae, para sumexi!)
- Kung masyado kang payat, lalo pang gumanda ang korte ng katawan mo
- mapabilis ang daloy ng dugo
- mapagalaw at mapadulas ang mga joints
- mailabas ang mga dumi sa katawan
- lalong mapagana ang utak
- ma "stretch" ang ating mga kaugatan
- makatulong sa pagpapayat
- nagpapalakas at nagpapatatag ng puso
- nagpapalakas ng resistensya sa katawan

Maraming paraan para gawin ito. Pwede sa pagtakbo, paglalakad, at akyat, o ang pag-ji-gym. Pwede rin idaan sa martial arts, tae-bo, zumba, at belly dancing. Pwede rin sa ano mang paraan na nais mo. Kung araw-arawin nating gagawin ito, ay tiyak na gaganda ang ating kalusugan at pangangatawan. Iwas sakit pa ika nga.

dapat ring matiyak na sa pag e-ehersisyo, dapat wasto o tama ang kinakain at ini-inom mo. Para sa magandang resulta, kung may bisyo ka man tulad ng paninigarilyo at pag inom ng alak o beer, dapat, moderate lang o kung mas mabuti, paka-iwasan mo talaga. 

Tandaan natin, ang kalusugan ay nasa mabuting pangangatawan, dahil dito nakasalalay ang ating mabuting kinabukasan. With the right mindset, you can achieve the best results possible para lalo mo pang ma enhance ang kalusugan mo.

Paano mapanatili ang kalusugan?

Gusto mo bang maging IMORTAL? Biro lang...

Ipinanganak tayong malusog at masigla, dahil na rin sa kalinga at pagmamahal ng ating mga magulang. Pero habang tumatanda tayo, unti-unti natin itong ipinagwawalang bahala. Habang may pagbabago sa ating katawan at hitsura, sa pamamagitan nag pagdaan natin sa pagkabinata o pagkadalaga ay kapansin pansin talaga ang pagbabago sa ating hitsura - sa panlabas na aspeto

Ngunit hindi talaga natin mapapansin kung anoang pagbabago sa loob mismo ng ating katawan. At hindi natin minsan naisip na ang katawan natin ay "vulnerable" sa anumang bagay sa pamamagitan ng ating kinakain, iniinom at nilalanghap na hangin.

Ang pagiging malusog? mahalaga ba? aba syempre, a big YES! As we live, this is the most important thing na gagawin natin para mapanatili natin ang ating buhay at magawa natin ang nais natin. Kaya, ang kalusugan, hindi dapat bale-walain. 

Mahal natin ang ating sarili, dahil may nagmamahal rin sa atin!

Welcome po sa aking Health Blog!

Hi and welcome po sa aking blog!

Ang layunin ng aking blog ay ibahagi sa inyo kung paano alagaan ang ating kalusugan para mapananatili tayong maliksi, malakas, ganado at mapahaba ang ating buhay. Masakit man isipin at banggitin pero, iilan sa atin ay walang pagpapahalaga nito. Kailangan talaga natin ng tamang "mindset" para magawa natin na maging maingat at mapagpahalaga para malayo sa atin ang anumang karamdaman. Ito ang isa sa pinakamahalagang bagay sa ating buhay, kaya huwag nating sayangin ang panahon na taglay natin ang lakas.

Gusto kong i-share sa inyo ang wastong pangangalaga, mga dapat gawin, ano ang dapat iwasan at syempre, ang mga pamamaraan para lalong ma "enhance", mapanatili at higit sa lahat, mai-apply.

Kalusugan ay kayamanan ika nga, kaya huwag itong dapat bale-walain. Kung itoy, mapabayaan ay siguradong iikli ang ating buhay at bankus, makapagdudulot pa ng perwisyo sa ating mga mahal sa buhay, pati na rin sa sarili natin.

Sana may makuha kayong gintong aral sa blog ko at natutu-tutunan ko rin ito sa mga health gurus at mga dalubhasa sa panahon natin ngayon.

Enjoy Life and Happy Reading!

Christian